ازيك يا ماما وحشتيني كتير يا رب تكوني فكراني
قبل ما احكي الحلم كنت عايزة اعرفك حاجة
ايام ما حلمت الحلم دا المفروض اني كنت معجبة بشخصية زميل ليا في الشغل وكنت اتمناه زوج اسمه(حماده)وبعدين انا انتقلت من الشغل دا وروحت شغل تاني وقبلت واحد تاني
لكن الشخص التاني دا انا حبيته بجد يعني مش مجرد اعجاب لاء انا حبيته جداا ومازلت احبه واسمه (محمد)
والحلم حلمته باسم الشخص الاول لكن مكنتش هي صورته كانت صوره ممثل مصري شاب
حلمت بزميلي الاولاني واسمه حمادة اننا كنا في الشغل وبعدين هوا حدف حاجة وبدأكل زمايلنا انهم يحدفوا الحاجة دي لبعض وانا بحاول بكل طاقتي اني امسك الشيء دا لاني كنت مضايقة اووي
وفعلا مسكتها ورحت قعدت علي سلالم كدا وجه زميلي قعد جانبي وانا كنت مضايقة منه اووي وشوية وقالي انه داخل جوة عشان ينش الدبان ودخل وانا سبت المكان ومشيت طريق طويل لغاية ماوصلت لاخرة ولقيت عمي واقف وبيودع ناس واخدة شنطها وحاجتها وماشية ومش هترجع تاني وانا وقفت اودعهم معاه وفجاة لقيت اللي ورايا بيخبط علي كتفي اديرت لقيته حمادة فقالي متزعليش مني وراح اداني كيس فيه هدايا كتير قولتله لاء انا مش عايزة منك حاجة قالي متزعليش مني وفعلا انا اخدت الهدية ورجعت تاني الطريق وفجاة لقيت نفسي قاعدة معاه علي شط بحر وانا لابسة جيبة قصيرة وبوت طويل وكأننا متجوزين وهوا حضني
وبعدين ونادا عليه واحد صاحبة وقاله يللا عشان تركب الطيارة وفعلا راح ركب الطيارة وكانت اهله قاعدين معايا في المكان دا وبدأ يعدي علينا بالطيارة من فوقنا ويحدف جوافة الاول علي حجر اهلة وبعدين انا وفي الاخر بدأيحدف كل الجوافة في حجري انا وانا اكل منها وكانت طعمها حلو جداااااااا وفي حد قالي سيبي له شوية عشان اما ينزل ياكل منها
مع العلم اني انسة
والشخص دا في الحلم مكنش بصورته الحقيقية زي ما قلتلك في الاول
ودلوقتي انا معرفش عنه حاجة لانه سافر برة مصر
لكن زميلي التاني اللي هوا محمد بيشتغل معايا وساب الشغل امبارح
وحسه ان فيه تشابه بين الاتنين وكنت عايزة ارتاح واعرف انهو واحد ممكن ارتبط بيه
