الذهب والمستشفي في الحلم يا ماما نجية ( استفسار خاص بالحلم )

عضوة عدد المساهمات : 57 تاريخ التسجيل : 12/09/2011

السلام عليكم
انا حلمت يا ماما نجيه امبارح ان انا في مستشفي بس انا طبيعي شغلي اصلا بتخليني اروح مستشفيات كل يوم بس المستشفي كانت نضيفة اوي
ولقيت هناك واحد زميلي في الشركه هوه اصلا دلوقتي انا شاده معاه في الكلام
المهم لقيته بيقولي انا عاوزك تعرفي حاجه انا مابرخمش عليكي انا بحبك (كان في الحلم قصده علي الموقف اللي حصل بينا )
فالمهم انا مردتش عليه و فضلت ماشيه شويه في المستشفي وكان فيه ناس بتصلي هناك
فقابلته تاني فلقيته مدايق فبقوله مالك فقالي يعني انت عاوزه يكون مالي انا قولتلك اني بحبك و انتظرت منك رد علي الارتباط ده و انتي ماردتيش
فانا ماردتش برده
انا في الحقيقه اصلا مابحبوش ولا انا معجبه بيه اصلا

وفي نفس الليله حلمت اني اشتريت لماما حلق حلو اوي و اسورة دهب فيها كريستالات و جبتلي حلق برده بس كانت البريمه بتاعته غريبه و دلايه للسلسله علي ما اذكر
وروحت البيت فطلعت الحلق ولبسته لماما وشيلت من ودانها حلق طبي كنت جايباهولها الكريستاله بتاعته كان لونها احمر بس اللي انا جبته كان كريستالته ابيض وكان اكبر من اللي انا كنت جيباهولها و لبستها الاسوره و بصيت عليها و كان الحاجه حلوه اوي عليها و هيا و بابا كانو فرحانين
بس للما طلعت الحلق اللي انا جبته لنفسي كان فيه بريمه مش مظبوطه و كان مش عاجبني الدهب اللي انا جبته لنفسي وكنت عاوزه ارجعه للمحل وفعلا روحت المحل بس مش فاكره رجعته ولا لا

انا انسه 24 سنه

يا حبيبتى هذا الشخص قلبه صافى من ناحيتك فى حين انك تسوئى الظن فيه وهو هيطلب منك ان تصليه او تشاركيه حياته وواضح من الرؤيا ان شاء الله ان فيه نصيب وطبعا انت هتفكرى وفييه فهلا وهتوافقى ولكن هتترددى بس مش واضح انك هترفضى نهائى والله وكا شئ نصيب

عضوة عدد المساهمات : 57 تاريخ التسجيل : 12/09/2011

انا فعلا اللي اعرفه عنه انو طيب و كان فعلا رشحني لزميل تاني لينا انه يخطبني بس ماحصلش نصيب و فعلا انا ساعات كتير بأسيئ الظن بيه
بس ماعرفش بقي موضوع الارتباط دا هينفع و لا لا عشان زميلنا اللي اترفض دا صاحبه

كنت عاوزه اعرف تفسير الجزء الثاني من الحلم يا ماما لو سمحتي

انا قلت لك على مضمون الرؤيا بس فيه هدية حلوة هتهديها لماما اما انت هتوافقى بالعريس بس هتترددى شوية ومش واضح انت ترجعى فعلا ولا هتترددى فقط

عضوة عدد المساهمات : 57 تاريخ التسجيل : 12/09/2011

بس ياماما معلش الشخص دا تقريبا خاطب بس مش متأكده الوقتي لانه مش لابس دبله

عضوة عدد المساهمات : 57 تاريخ التسجيل : 12/09/2011

لوسمحتوا عرفوا ماما نجيه ان فيه استفسار ليا

زائر

تم نقل الموضوع ياقمر وان شاءالله ماما تدخل تطمنك

حبيبتى رؤيتك لاتوضح اكثر من ذلك وكل شئ نصيب

» 10- العيش والفراخ فى الحلم يا ماما نجية ( استفسار من ماما نجية خاص بالحلم )
» 1-الخطوبة فى المنام ( استفسار من ماما نجية خاص بالحلم )
» عواميد النور والقطن والشاش في الحلم يا ماما نجية ( استفسار من صاحبة الحلم ياماما نجية )
» رقم 30 والكلاب في الحلم ياماما نجية ( استفسار خاص بالحلم )
» 5-الجاكيت فى الحلم ياماما نجية (استفسار خاص بالحلم)