شفت انى بفتح علبه الشبكه بتاعتى (علبتى فى الحقيقه فعلا وعندى وشايله فيها الشبكه والدبله فعلا)ولقيت دبله تانيه غير دبلتى عريضه ومش منقوشه فالاول استغربتها وبعدين افتكرت انى كنت جايباها عشان دبلتى ضاقت عليا بعد الجواز ودى مقاسى بس برضه مكنتش لابساها كانت فى العلبه بس ماشفتش دبلتى الاصليه فى العلبه خير يامامتى هزحلق الراجل اللى انا متجوزاه ولا ايه
طبعا عشان القوانين بتاعه المنتدى
انا متجوزه وملتزمه الحمد لله وعندى بنتوه
ماما نجية شخصية vip
عدد المساهمات : 5535 تاريخ التسجيل : 17/07/2011
موضوع: رد: ماما نجيه الدبله فى الحلم الإثنين 3 أكتوبر - 21:54
ازيك يا عيون ماما وحشانى يا وحشة كدة تغيبى عليا انت عاوزة ايه من الراجل قولوا ومتخبش ياحبيبتى الشيطان لعب بدماغك عموما زوجك هيتغير الى الاحسن ان شاء الله وهتحسى انه اصبح انسان جديد غير اللا انت تزوجتيه فى الاول لدرجة انك هتستغربى كلمة فى سرك الدبلة الضيقة فى الرؤيا احسن من الدبلة الواسعة المهم ربنا هيغير طباع زوجك للاحسن باذن الله والله يهدى حالك وسلمى على جنى
