بصى يا جميل طبعا انى عارفة ان احمد اللى مكانش حصل نصيب ده فى قولان فى موضوعه بعد ما فسخ وفعلا انا قمت من النوم انهارده الصبح وحطيت التليفون جنبى مفتوح لانى كنت عاملاه صامت وفتحت الصوت ونمت لان ممكن حد يكلمنى ولا حاجة المهم شفت زى رؤيا وكنت حاسة انى مش نايمة لدرجة انى وانا شايفاها واحداثها بتحصل كنت سامعة اختى بتتكلم مع ماما فى موضوع كده لما قمت من النوم لقيتهم فعلا بيتكلموا فيه المهم شفت خير انى ماسكة موبايلى فى ايدى وزى ما يكون مستنية حد معرفة من طرف احمد اللى محصلش معاه نصيب يتصل بيا وفجأة جت ليا مكالمة من نمرة غريبة معرفهاش فقولت ارد على غير العادة لانى مش برد على نمر مش اعرفها وبعدين لقيت بنت بتكلمنى فى الاول تخيلت ان النمرة غلط بس بعد كده اتحققت منها وقلتلها انتى مين قالتلى انا اسمى لينا من مكتب الشركة اللى فى القاهرة (ده المكتب اللى بيشتغل فيه بسيونى وعلى فكرة انا معرفش حد من هناك خااااالص) المهم كنت مستغربة جداااااااااااا ومش مصدقة نفسى ان حد من هناك بيطلبنى فقولتلها خير قالتلى انا كان عندى مشكلة وقالولى انتى اللى هتحليهالى وحكيتلى على مشكلتها وكانت شبه مشكلتى مع احمد كده وانا طيبت خاطرها واتكلمت معاها كويس جدا وكان اخويا قاعد ومستغرب جدااااا من المكالمة دى انها جايلالى من فرع الشركة اللى فى القاهرة يعنى حتى مش اللى نعرفه هنا فى دمياط بس كان مبتسم ومبسوط المهم الخط كا كل شوية يقطع وهى تطلبنى وتقعد تتكلم معايا واثناء ما كانت بتتكلم معايا كنت سامعة جنبها صوت بسيونى وهوه بيضحك ويتكلم واتصاحبت عليا اوووووووى فبقولها انتوا هنا فى دمياط قالتلى اه وموجودين فى الصفوة مول كمان فقولت كويس يبقى اكيد متوقع انى ممكن اشوفه فى اى مكان وكل ما كان الخط يقطع من عندى واخاف مش تتصل تانى كانت تتصل وتصر على الاتصال بيا وكنت بفرح اوى وكل مرة كانت تتصل كان اسماء معينة تظهر عندى مرة شيرين واخر مرة كان الاسم اللى ظاهر سيد !! وكان اخر مشهد فى الحلم انى لقيت نفسى فى الحمام وكان قدامى بسيونى بيغسل ايده وانا كنت واقفة وراه وبقول اهو جت الفرصة انى ابقى قريبة منه ويشوفنى وصحيت من النوم وانا مستغربة جدااااااااااا من الرؤيا دى لانى معرفش حد من فرع القاهرة ده ومش متوقع ان حد يكلمنى من هناك اصلا ....يعنى حتى رؤيا غير متوقعة بالمرررررررررررة لانى كنت فى الحلم حتى مستنية مكالمة من طرف احمد ومش متوقعة حد من مكتب القاهرة دول يكلمنى اللى بيشتغل فيه بسيونى
