السلام عليكم ورحمه الله وبركاته
أمى حلمت بشقتنا اللى اشتريناها وفى مشاكل فيها وبنحاول ندخل المرافق للعماره بس الموضوع فيه مشاكل ..الحمد لله
"حلمت امى انها رايحه عند العماره ولقيت ست وبنت قاعدين ،، وبتسأل الست انتوا قاعدين كده ليه الست اتهربت من الاجابه،، فماما قالتلها نها جايه العماره عشان تشوف الجمعيه عملت ايه ؟ عشان هى اشترت الشقه ودفعت تمنها بالكامل ورافضيين يسلموهالى ورافضين يدخلوا المرافق ........
فبنتها ضحكت وقالت لماما هما برضو عاملين معانا كده ، وقالت لماما انها ساكنه فى الدور الثامن
فماما قالتلها هو نتى اللى بتتكلمى مع بنتى على النت ،ن قالتلها أه وضحكت
وبعدين ماما سابتهم وطلعت العماره
فوجدت بنت وست طالعين قدامها،، وطالعين على طول وكان السلم منور مش ضلمه كعادته على الحقيقه
فماما استغربت ان السلم منور
فنظرت فى السقف وجدت فيه لمض منوره ولقيت لمبه حمراء فى النص ،، ولقيتهم مدخلين مواسير اسلاك النور
فماما قالت هما دخلوا النور ومحدش قالى عشان اقدم طلب لشركه الكهرباء عشان ادخل النور انا كمان
والناس قالولها الراجل اللى فوقك هو اللى دخل النور ،، علما بأن هذا الرجل متوفى على الحقيقه
فماما طلعت لشقته فوق بس كان الباب مقفول وكان فى خرم فى الباب فماما نظرت من الخرم على الشقه فوجدته واضع فى الصاله
ترابيزه صفره صغيره
بس حوليها عدد كبير جدا من الكراسى ،،وبعدين نزلت
فوجدت عامل بناء عندنا هناك بيكسر فى حيطه وجرى يجيب طوب يحطه مكان التكسير
وهو اسمه سيد
فماما قالتله ايه
ايه التكسير ده هو انت بتكسر فى شقتى ،، وبعدين كان من الخارج شكل شقتنا والشقه بتاعت الراجل اللى فوقنا المتوفى
كأنهم شقه واحده.............. ووجدت امى خلف العماره بحيره صغيره ،، ووجدت امى العمال يوصلون الكهرباء من تحت الماء
و سألت العامل : الجمعيه السئوله عن البناء هى اللى باعتاكم ولا الناس هى اللى اتفقت معاكم على توصيل النور
قالها لا الجمعيه هى اللى بعتتنا بس الناس هما اللى اشتروا موسير النور
ووجدت بجوار العماره مجموعه شباب يلعبون العاب قوه فدخلت ولعبت معاهم وغلبتهم كلهم
بس كان فى لعبه مرضيوش يدخلوا ماما فيها وقالولها لا دى مينفعش تدخلى فيها فقالت امى صح دى قويه قوى ومحتاجه رجل وبلاش احرج نفسى
ثم وجدت امى امام عمارتنا حديق كبيره
وكانت تسير فيها حافيه بدون حذاء ،، فقالت انا همشى كده فى الشارع حافيه
وفضلت ماشيه فى الجنينه لحد اخرها
حتى وجدت ثلاث احذيه رجالى لونهم اسود وواحد منهم كان سابو مش حذاء
فقالت تلبس السابو ده وتمشى بيه لكن قالت لا حرم ده تلاقى صاحبه راح يصلى فى الجامع وسابه هنا
حرام هيجى مش هيلاقيه وتركت السابو .""
انتهمى...
معلش يا ماما نجيه الحلم طويل أصل ماما نامت كتير شويه ههههههههههههههههه
ماما ( ربه منزل _ التدين الحمد لله _ عندها ثلاث بنات وولد)
زى ما قولتلك يا ماما احنا اشترينا شقه وفيه مشاكل فى المرافق .
شكرا
