السيارة ف الحلم يا ماما نجية

السلام عليكم انا حلمت اني راكبة عربية مع واحد زميلي اسمه احمد ورايحين لدرس وكان معانا حد تاني مش فاكراه واخويا كان في عربيته ورانا وكنا باليل وبعدين دخلنا من طريق كده لاقينا السكة مقفولة وفيه ناس بتبني عمارة ورمل واسمنت فالشارع ونزلنا لاقيت اخواتي كلهم الشارع واخويا ومراته واولادهم وببص لاقيت والدي المتوفي جاي واخواتي راحوا يسلموا عليه وانا جريت عليه وسلمت عليه وحضنته وحطيت راسي على كتفه وزي ماكون ارتحت خالص وبصتله لاقيت عنيه لشمال صغيرة وداخلة لجوة وزي مايكون مخبوط فيها بس مش حمر ولا حاجة صغيرة بس وكان لابس بنطلون ضيق شوية وبصلي جامد كده ومشي بس انا انسة 23 مش مخطوبة والحلم بعد صلاة الفجر

يا حبيبتى انت لم تذكرى ان كنت على علاقة بزميلك ام لا اعتقد انك متعلقة به وانا هقول لك احرصى من هذا الشخص فطريقه ضلال ومش هتكملى معه لان طريقه مسدود وهيسيبك فى نصف الطريق ووالدك قلق عليك وموضوعك مسبب له تعب وضيق ارجعى عن هذا الطريق وادعى لوالدك كثيرا والله يرحمه ويهدى طريقك

ماما نجية كتب:

يا حبيبتى انت لم تذكرى ان كنت على علاقة بزميلك ام لا اعتقد انك متعلقة به وانا هقول لك احرصى من هذا الشخص فطريقه ضلال ومش هتكملى معه لان طريقه مسدود وهيسيبك فى نصف الطريق ووالدك قلق عليك وموضوعك مسبب له تعب وضيق ارجعى عن هذا الطريق وادعى لوالدك كثيرا والله يرحمه ويهدى طريقك

لا يا ماما نجية ماليش اي علاقة بيه والله مافي حاجة خالص ولا عمره كلمني ولا كلمته