حبيبتى شفت منام غريب بس قبل المنام احب اوضح حاجة ممكن يكون ليها علاقة بالمنام انا اساسا حاليا بحاول اعمل اللى اقدر عليه من سعى بجانب الدعاء فى موضوع بسيونى وخايفة بصراحة يرتبط قبل ما يشوفنى ويمكن يكون جزء من المنام بيعكس كده الله اعلم المهم شفت خير ياااااارب
انى فى فرح والفرح ده مكانش فيه دوشة اوى وكان معايا اختى وجوزها وكانت اختى زى ما يكون شايلانى على ضهرها كده (مع العلم ان هى كمان نفسها فى موضوع بسيونى ده ) المهم شفت بسيونى فى الفرح وكان لابس بدلة من غير كرافته وفى الاول مكنتش عارفة ازاى اوريلة نفسى ومكانش واخد باله منى خالص وزى ما يكون كان كل واحد فى الفرح المفروض يرقص سلو مع بنت بس هوه مكانش لاقى بنت يرقص معاها فجابوله طفلة كده يرقص معاها بس مرقصش ومرضاش يرقص معاها وكان لوحده كده وبعدها فجاة لمحت فى ايده دبلة فضة فى ايده الشمال فزعلت اووووووى ومشيت وقولت هوه لحق يتجوز فروحت لاختى حكيتلها اللى شوفته ده فراحت موقفة بنت جميلة وشكلها طيب قوووووووى وسالتها قالتلها هوه بسيونى اتجوز قالتلها لا خالص ده هوه لابس الدبلة دى بمزاجه كده لانه بعد ما خطب الخطوبة الاولانية بتاعته واتفسخت مرضاش يقلعها لانه زى ما يكون مش عايز يخطب دلوقتى او كده لكن هوه حاليا مش خاطب وكانت البنت دى مودبة وطيبوة خااااالص وزى ما يكون طلعتلنا كده عشان تطمنا المهم روحت داخلة قاعة الفرح تانى ولقيت بسيونى واقف لوحده فيها ومعاه جوز اختى (مع العلم ان اختى عايزة برضه جوزها يتعرف عليه لانه بيشتغل معاه فى نفس الشركة عشان الموضوع يقرب ) المهم فلقيت روحى زى ما يكون ماشية بضهرى كده وبرجع لوره وكنت قاصده زى ما يكون اخبط فيهم وهما واقفين وفعلا لما حصل كده لقيت بسيونى ده ابتسملى ولقيته عمل حركة غريبة جدااااااااااا راح جاى زى ما يكون بيداعب طفلة صغيرة وبيلعب فى بقى فى شفتى السفلى بصابعه كده كانى طفلة وسالنى انتى فى سنة كام يا امورة (مع العلم ان فرق السن بينا بتاع 8 سنين تقريبا) فقولتله لا انا خلصت دراسة وعلى فكرة انا اعرفك وكنت شوفتك قبل كده ومشيت وسبته واقف مع جوز اختى وانا مطمنة انه مع حد من طرفى (وعلى فكرة فى الحلم ده كان الاحتكاك بيه واضح عن اى منام يعنى كان دايما فى المنام يشوفنى ولا لا كانه واخد باله منى ) المهم ولقيته هوه وجوز اختى داخلين الحمام سوا وانا واختى روحنا لماما لانها كانت مستنيانا فى العربية نحكيلها اللى حصل
....وفيه مشهد تانى فى المنام مش عارفة ده له معنى ولا ايه شفت ان انا وهوه فى حمام سباحة وفيه بنات وانا وهوه كنا قصاد بعض وهوه قاعد يقولى شايفة ولا واحدة فيهم ايديها ولا رجليها عدلة ولا نضيفة فقولت له انت مش عايز تخطب ليه وقصدى على البنات دول قاللى الظروف اهى مش مساعدة فقولت اما ادارى ايدى لانى عايزة اشيل الشعر الزائد اللى فيها عشان مش ابقى زى البنات دول وميقولش عليا كده وانتهى الحلم على كده
