بعد بكاااااااااااء وتضرع فى التلت الاخير من الليل ان ربنا يكرمنى بموضوع بسيونى ده شفت خير يااااااااارب انى زى ما يكون فى ماتش كورة بين فريقين وكان الماتش ده عبارة عن كرة يد يعنى عشان نجيب جون لازم نوصل لخط النهاية ونرمى الكورة ويبقة كده جبنا الجون المهم كانت النتيجة متعادلة بينا 4-4ومحتاجين اى الفريقين يجيب جون عشان يفوز على التانى وبعدين الفريق بتاعى اختارنى ان انا اللى المفروض مطلوب منى اجيب الجون ده انا خفت جداا لان المنافس اللى قدامى فى الفريق التانى شكله جااامد وهيغلبنى وحاولت اخلى اى حد يجيبه مكانى بس الكل كان مصر عليا انا فجت واحدة صاحبتى اعرفها فى الحقيقة وهى طيوبة اوى اسمها ايمان عادل قالتلى متخافيش وخليكى مستعدى ان الكورة تتحدفلك فى اى وقت وفعلا والفريقين قاعدين بياكلوا زى فراخ كده فجأة جه صوت من فوقى وكان صوت الممثلة دنيا سمير غانم وكان الصوت من فوق ومش شايفاها وهى بتقول فين البنت الصغيرة اللى عندكوا قلتلها انا اهو وراحت حدفالى الكورة فى الاول لما حدفتها معرفتش امسكها وراح المنافس بتاعى مسكها وجرى بيها عشان يسجل هدف وقلبى وقع فى رجلى ساعتها لانى عرفت ان مية مية مش هعرف اخدها منه بس سبحان الله زى ما يكون اتشنكل ووقعت منه الكورة وخدتاه انا وروحت انا جرى بيها على خط النهاية وسجلت جون من غير ما حد يعرف يوقفنى وسجلته مرتين عشان اتاكد انه دخل كويس والناس فرحت بيا وشالتنى على الاكتاف والمهم جه وقت اننا نرجع بقا بيوتنا لاننا زى ما يكون كنا فى سفر وكنت بلم حاجتى من على ترابيزة كده فلقيت ملف مكتوب عليه اسم بسيونى وجنبه ملفى يعنى بتاعى فبفتح ملفه لقيت فيه ورقة امتحان زى ورقة امتحان موجودة فى ملفى بالظبططططططط وسبحاااان الله كانت عبارة عن 8 اسئلة اختيارى مجاوب نفس اجاباتى ومختار نفس اختياراتى حتى السوال الوحيد اللى غلط فيه انا كمان كنت غلطت فيه يعنى الورقتين زى ما يكون ههههه غشين من بعض وكان خطه حلو ومقروء ولقيت فى ملفه فلوس ومحفظته (هى محفظته اصلا مكانتش جديدة ولا حاجة بيحطها على مكتبه عادة لما بييجى يشتغل ) المهم جه عليا بسيونى وانا بعمل كده روحت مقفلة الملف بسرعة احسن يشوفنى وروحت مدياهوله وحطيت جنبه ملفه ملفى وبعدين جه واحد زميله فى الشغل اسمه محمد روتان وهوه متزوج اصلا وحد طيب اووى وكنت بلم حاجتى ساعتها وكان اخرها التليفزيون بتاعنا فقالى سيبيه ده تقيل انا اللى هشيله واجيبه وقولت لماما خلاص روتان هيجيبه ومشيت معاه وكنت زى ما يكون بصورة بالموبايل وبعدين كنت بحاول اصور فيه هوه وموظفين الشركة ومكانش فى الصورة لا احمد اللى محصلش معاه نصيب ولا بسيونى كانت عبارة عن الستات والمتجوزين بس المهم وانا بصور جت ست متسولة شكلها مش يستحق الصدقة ابداااااااا جت لروتان اتضايق منها قالها الله يسهلك فجاتلى وكانت بتتوسل تقريبا وهتبوس ايدى فانا مكانش معايا فلوس وقتها فاتحرجت منها وقلتلها الله يسهلك وبعدين وانا ماشية لقيت ست منقبة بعباية سودة وقعت والناس بيقوموها ومعاها عيل وقامت فعلا انا معرفهاش ومكان ليا دعوة بيها ووانا بحسس على جيبى كده اتفاجئت ان لقيت فجأة فيه جنيه فضة وعملة بعشرة قروش فضة بس من زمان مينفعوش يتصرفوا فقولت خلاص هتصدق بالجنيه اما العشرة قروش فدول نادرين وتذكار هحتفظ بيه ومش هفرط فيه وهخليه معايا وهخرج الجنيه لله وخلص المنام على كده بس اللى مخوفنى يا ماما ان العشر قروش الفضة دول كانوا من ايم الملك باين يعنى مش بيتصرفوا جامدين يعنى ولا ده عادى ملوش معنى انا خايفة معنى انها قديمة مش بتتصرف زى الجنيه يكون معناه وحش لا قدر الله ربنا يستر....
حبيبتى انتى عارفة طبعا ان احمد فسخ خطوبته وخايفة يقل عقله ويفكر فيا تانى بس انا مش عايزاه انا عايزة بسيونى لانى حاسه انه مناسب ليا اكتر ...وفيه حاجة عايزة استفسر منها دلوقتى بسيونى واحمد مكانوش فى الصورة بس حاسه ان جالى رموز تدل عليهم زى الجنيه و العشر قروش والست المتسولة يعنى ان شاء الله مش حاجة وحشة موضوع غيابهم ده مدام اتعوض بالرموز خاصة ان اختى فى الحلم كانت من ضمن الناس اللى بيتصوروا لانها متجوزة واحد من نفس الشركة اللى بيشتغل فيها بسيونى وسالتنى عليه قلتلها زمانه جاى وبعدها جت الرموز دى ولا ايه ممكن توضحيلى الجزء ده الله يسترك واسسسسسسسفة على الاطالة اسسسسسفة جدااااااااااا
