اشوف بالحلم كأني راكبه جمل ذو سنامين وانا راكبه بالسنام الثاني وعلى مااعتقد فيه وحده راكبه قدامي
واشوف فيه حصانين اشكالهن حلوه واحد لونه على بني والثاني بيج على ابيض وعليهن ركاب
هذا اللي اتذكره
انا مطلقه وحالتي الصحيه كويسه ولله الحمد
الحلم الثاني مخوفني ياماما
حلمت اشوف انا واختي رايحين المستشفى واختي تبي تخلع ضرسه واشوف واختي واقفه تفتح افمه للدكتوره وهي تخلع له اللي تحت وهي واقفه وبسرعه ومن دون وجع واشوف قالت اختي مو هذا اللي يوجعن اللي فوق والدكتوره تخلع اللي فوق وكمان من غير وجع وبسرعه خلعته له وانا اقوله شوفي سنتي توجعن ومسوسه وهي تقولي لا لازم موافقه المدير لانك من غير موعد وهي تكتب لي ورقه علشان اوديها للمدير يوافق عليه وانا اروح ادور غرفة المدير انا واختي ومالقيتها وانا اطالع للورقه الا اشوف اللي مكتوب فيه ماله علاقه بموضوعي كلام مو فاهمه شي منه يعني مو موافقه للمدير
المهم وانا ارجع للدكتوره واشوفه خلعته لي وانا اطالع فيه الا اشوف سني واقول السوسه لاعبه فيه ويوم رجعت للبيت اشوف عجزت اتنفس وانا القط النفس وعجزت اتنفس بصعوبه ويطلع من حلقي حاجه غريبه مو عارفه ايش مو بقايا اكل ولا تطريش لا حاجه شبهتها لفرث الكرش يعني مثل الموجوده بكرش الذبيحه اذا نضفناه بقايا اكل الخروف العشب واشوف انا ادخل يدي واطلعه بس ماخلص وساد التنفس عندي وانا اقول لو ماخلعت ضرسي كان ماصار بي كذا اكيد انه من الضرس وانا اروح للمغسله واطالع سنوني الا اشوف سني اللي تحت مسوسه ومنخره نخر ولينه يعني مو قاسيه واشوف انتهى الحلم وانا بالارض وادور النفس
