السلام عليكم ورحمة الله وبركاته
ازيك يا ماما ايه الاخبار يارب تكوني بخير، انا حلمت يا ماما حلم غريب مش فهماه ، حلمت ان انا في شقة جدتي وجدي المتوفين القديمة الشقة دي في الحقيقة في مصر الجديدة وشقة تحفة واسعة جدا جدا شفتها في الحلم، ان انا واختي منى فيها وهي بتستحمى وانا مستنياها عشان استحمى وراها ومعايا ابن اختي الصغير سنة وكام شهر ، وكان ماسك في ايدي اختي فتحت الحمام لقينا الحمام عبارة عن الارضية زي الزجاج شفاف وناعم جدا ، والحيطان سيراميك كبير مربع لونه بمبة في مربعات ذهبي ، الحمام في الحلم كان ليه بابين باب دخلت منه وباب تاني خرجت ابن اختي الصغير لانه كان هيتزحلق ، وانا كنت هتزحلق لكن مشيت بالراحة اختي كانت واقفة في اخر الحمام وبتقولي امشي بالراحة عشان متتزحلقيش ، وفعلا قعدت امشي بالراحة لغاية ما وصلت . بس وانا في الحمام قعدت اقول الشقة دي في الحقيقة فيها جمامين مش تلاتة التالت جه منين ، في الحيقية الحمام التالت مكان المطبخ في الشقة الحقيقة .
وحلمت حلم تاني برضه مش فهماه حلمت ان عمتي اللي انا بحبها جدا في الحقيقة زي ما تكون جاية عندنا تبات وجت عندنا وهي عندنا سالتني وقالتلي هو مين المريض عندكم يا مروى ، قلتلها دي خالتي وقلتلها اسم واحدة من خالاتي راحت للدكتور والدكتور لقى زي ورم صغير عايز يعرف الورم ده ايه لو حميد يبقى الحمد لله ولو لا قدر الله خبيث يشفوله العلاج المناسب . والتليفون ضرب في الحلم وقمت ارد عليه بس مش فاكرة رديت على مين ولا قلت ايه .
دا ايه يا ماما انا خايفة بجد من العجب اللي بشوفه ، انا انسة 32 سنة قلقانة وتعبانة من حاجات كتير نفسيتي زفت وكنت معيطة قبل ما انام ، الحلم ده شفته الساعة 1 بليل وقمت من النوم بعد كده ، حالتي الدينية متوسطة طمنيني الله يكرمك
كان في موضوع ارتياط ومتمش ومقدمة في اكتر من شغل ومجاليش رد من اي منهمن اختي مخطوبة وهي اصغر مني ب 3 سنين .
