حلمي الأول,,,
حلمت اني كنت اقشر بطاطس في الصاله وجدتي كانت في غرفتها وانا كنت اقشر البطاطس لمرت عمي الا ساكنه تحت عشان تاخد قسمها جات اختي الصغيره جلست قدآمي تتفرج عليا وهيا كانت تبغا تأكل من الا مستوي يعني انا كنت ابغا أخليها تأكل وكونت ابغا ارسل لماما صحن شافتني جدتي وانا بعطي اختي الصغيره سارت تصرخ وتقولي لآتعطيها مافي ما تأخد ولا ترسلي لأمك انا انصدمت البطاطس كتير شويا بس ابغا اعطيهم هيا تقول لآ ماتعطيهم
قمت انا سكت وكانت مرت عمي تروح وتجي ومعاها ولدها كان قاعد قدآمي طفل صغير عمرو 9 شهور بيجلس
انا قلت في نفسي برسل لماما واحد جديد لمن خلصت من البطاطس والتقشير جبت كيس سكر طوويل جدآً وقاعده اقطع في الكيس عشان اسوي لماما واحد جديد
وانا كنت مقهورة من جدتي لآنها مارضيت أعطي اختي الصغيره حته ولماما صحن شويا من الطاطس
اختي الصغيره عمرها 7سنوات ...
----
حلمي التاني..
حلمت إني كونت في بيت جدتي وكانوا معايا بنات عمي الاتنين قلتلهم تعالوا ناخد لفه بالسياره
اخدنا مفتاح سيارة بابا وكان وقتها ليل مافي احد في الشارع
لمن روحنا ركبنا السياره وصلنا عند البقاله ورجعنا انا ماعرف اسوق والسياره كانت كبيره عليا
رجعنا البيت وقلت باخد سيارة عمي الحمرا لانها صغيره طلعت فوق وقلت لجددتي ابغا مفتاح سياررة عمي
واعطتني ونزلنا
نزلنا الحوش انا وبنات عمي انا نزلت الاول وسبقتهم هما ليسى في الدرج انا لقيت باب الشارع الرئيسي
مفتوووح وانا متأكده اني قفلتوا
خوفت لا يدخل حرامي وسيرت واقفه بعيد عن الباب وبنات عمي واقفين بعيد عني
شويا دخل من الباب رجال غريب معاه خنجر لابس اللبس السوري
وانا مع الصدمة قلت لبنات عمي اطلعواا فووق ورميتلهم مفتاح سيارة عمي
لمن طاح المفتاح في الارض اتحول لساعه انا انصدمت اخدوا الساعه وطلعوا فوق يجروا
والرجال جا نحيتي وسار يدبحني بالخنجر يدبحني ويقطعني زي السفاح
بنات عمي في المتوسط وغير متجوزين
