ماما نجية حبيبتى ازيك يارب
تكونى بخير ان شاء الله انا بصراحه حاسه انى تقلت عليكى بأحلامى وربنا يكرمك خير
دنيا واخره يارب .. انا سبت خطيبى من فتره زى ما قولتلك وكنت حلمت قبل كدا بصلاة
الجمعه وحضرتك قولتلى ان صلاة الجمعه جمع وبركه معاه وحلمت بدم الحيض وقولتيلى ان شاء الله زواج منه
امبارح بردو صليت ركعتين استخاره ودعيت ربنا انه لو خير يرجع ولو شر ربنا يعوضنى بأحسن منه
فحلمت ببنت أخته الكبيره هى بتكرهنى جدا وبتغير منى اوى ودايما كانت بتعملنا مشاكل كتيره
جاية عندنا البيت تزورنا بس انا مش عارفه سبب الزياره ايه فماما دخلتها البيت
وقلتلها استنى شويا و رورو (انا يعنى ) جايه فأنا دخلت اغسل حتة فى العبايه بتاعتى
عشان متوسخه عشان البسها واقابلها بيها ( للعلم يا ماما انا فعلا عندى العبايه دى فى
الحقيقه وفعلا فيها الحتة دى متوسخه بجد) وصحيت من النوم
مضايقة جدااااا مش عارفه ليه!!! ونمت تانى بعدها زى ما اكون بين النوم والصحيان وجالى
هاتف بيقولى (( الا ان سينصره الله قريب )) وصحيت وانا بردد الكلام ده ((الا ان
سينصره الله قريب)) ودى مش ايه ولا اى حاجه فى القرأن الايه اللى شبهها (الا ان نصر الله قريب)
بس ايه ده اللى كنت بقوله وصحيت وانا بردده مش عارفه ؟؟؟؟
