أزيك ياماما نجية يارب تكونى بخير دايما .. انا حلمت أنى راكبة زى أتوبيس كبير .. وزى اللى بحكى عن مكان .. وكنت قاعدة على الكنبة اللى ورا وقال عمرو موسى كان مستخبى جنبى ( مشفتوش فى الحقيقة) .. تقريبا من حد من الضباط وبعد كده بدأ يظهر شوية أكتر .. كان معايا زى صينية أكل( (أمى كانت جايبها .. لى أكل زى سمكتين مشويتين تقريبا من غير راس فكنت باكل زى فى واحدة وكنت شايفة لحمها الأبيض فى أيدى.. بعد كده لقيت أخى عمرو جنبى على الكنبة وكان زى اللى عاوز أكل من اللى معايا فقلت له فى سمكة تانية فكان عاوزنى اجيبها له فنزلت من الاتوبيس كنت لابسه زى بيجامة وكان شعرى مش متخطى وفتحو زى شنظة العربية لقيت شباشب فى الشنطة وعلى الارض ولقيت جزمة بنى هى أصلا عندى لونها بنى وجلدها طرى وواسعة شوية.. كنت بلبسها من فترة لكن دلوقت لا .. لقيتى بخدها وبعدين مشيت مع أخى حسن عشان نروح نجيب الأكل.
ماما نجية كان فى مشروع الفترة اللى فاتت عن حد اسمه محمود وأنا عارفاه شخصييا وجاب شربات وحكيت لك الحلم واتفائلنا . لكن انا مشفتش نفسى بشرب العصير ..وتصورت أن معنى الحلم انى بارتبط بيه لكن هو سكت ومفتحش الموضوع تانى.. دلوقت حسه أن الحلم ده بيشير لحد تانى.. مش عارفة أيه الحكاية الاحلام اللى مش بتثبت على حد دى؟
