حلمي الأول ..
حلمت إني دخلت في مكان كلو أبيض في ابيض وكان معايا ناس أجانب وفي منهم فانين وانا فرحاانه بالمكاان دا مره لآنو ملكي والناس داخله تتفرج على مكاني ومبسوطه تستكشف انا قربت ناحية البحر لكن ماكان فيه بحر فاضي قمت انا بنيت زي الطوب مربعات كبيره شاشه كبيره زي السنما وسارت زي الشاشه وعرضت فيها الشلآلآت كانت سريعه وجميله انا وصحبتي خلود واقفين جنب الشاشه هادي ومشينا طالعت من خلفها لقيت مكان البحر الفارغ وشوفت الشمس وكنت اتكلم مع صحبتي خلود وهيا كانت بتغني اغنية كوريا بس مو عارفه كلماتها انا بعدينا شوفت من اطراف البحر فلفل رومي مزروع وكان متأكل منها اكلها الدود كان في الاصفر والاحمر والاخضر..
صحبتي خلود غير متجوزه عمرها20
وانا غير متجوزه وعمري 20
حلمي التاني..
حلمت إني كنت في الطايف في بيتنا وكونت ابغا انزل لبيتنا في مكه جا عمي وقلي تعالي معايا انا اوصلك لآني نازل مكه دحينا قلتلو طيب وركبت معاه في المقعد الأمامي وفجاءة وصلنا الحي حقنا وكنت ساكتته وعمي عارف مكان بيتي بس هووا كان يلف يمين ويسار يمين ويسار انا مستغربه مدري فين رايح بس انا ماسألتوا بشوف ايش عندوأ
الين ما وصلنا لمكان غريب .. وقفنا على طرييق طويل وقدمنا طلعه عاليه فجاءة عمي وقف وقلي اربطي الحزام راح ننقز للجهة التانيه وربطت ودعس السياره على 200 ..وسار يسرع يسرع ونقز من الطلعه دي طيرنا في الجوووو وكان اسفل المكان مظلم وعميق جداً وانا كنت خاايفه واصرخ خوفت نطيييح قلت يارب نوصل للجهه التانيه وقربنا للجهة التانيه وكان عمي يلف الدركسون يمين وييسار الين نزلنا في الجهه التانيه وكملنا طريقنا بسلام
----------
عمي متجوز وعندوا 7 اطفال
الحاله الدينيه : الحمدلله بصلي ..
ايوا عندي مشاكل عائليه انا إنسانه مسالمه ماعندي أعداء الحمدلله ..
نفسيتي دايما أحس بضيق وأفكر بزواج اكتر شي لآني ابغا اخرج من البيت وابغا استقر مع أحد يهتم فيا ..
