ماما نجيه ازيك انا جيت اهو مانحرمش منك يارب
بصى باه انا حلمت حلم امبارح مش عارفه ليه معنى ولا تخاريف تعب واجهاد السفر
انا شفت خير اللهم اجعله خير ان اخت جوزى جايلها عريس وهى موافقه عليه بس كاتب كتابه على واحده تانيه وهى عارفه وموافقه وانا قلتلها ازاى يعنى تقبلى بكده انتى ترضيها على نفسك ازاى تقبلى تكتبى كتابك على واحد كاتب كتابه على واحده تانيه وكانت بترد عليا بعنف وبتدافع عن رايها المهم كنا قاعدين فى شقه مش واسعه اوى ودخل ناس كتير اوى رجاله وستات اهل العريس وقعدوا داير مايدور الصاله على الكنب وسلمت عليهم كلهم ماعادا مجموعه مديت ايدى عشان اسلم عليهم مارضيوس يسلموا وعرفت انهم مابيسلموش عشان بيستحرموا وشفت العريس وشكله كان واضح جدا وفاكراه كويس اوى كان طويل وخمرى قريب من الاسمر وشعرة اسود وتقيل ولابس نضارة المهم انهم كانوا قاعدين بيتفقوا
بس اعتقد فى الاخر رفضت عشان كان عايزها توافق على حبه لوحده ميته يعنى هو بيحب واحده ميته وعايزها ترضى بكده اه صحيح واسمها جيهان
قوليلى باه ياماما نجيه ده تخاريف ولا ليه معنى مع العلم انى معرفش اى حد اسمه جيهان
ومش فاكرة اوى اللى ميته هى الى اسمها جيهان ولا اللى كاتب كتابه عليها
