ازيك يا ماما يارب تكونى بخير يا حبيتى
انا حلمت حلم طويل شويا
حلمت انى اعدة فى بيتنا عمالة بغسل فى رجلى الاتنين واشطفهم بالمية والمية غرقت الاوضة كدا وبعدين كلمت صحبيتى
عشان ننزل نشترى حاجات وقالتلى لما انزل هكلمك وكلمتنى بس منزلتش معاة نزلت السوق مع واحد قريبنا (بقالى كذا سنة ولا اعرف عنة حاجة غير من قريب سمعت انة قرب يتجوز)
فانا وانا ماشية كنت رابطة شعرى بطرحة وعاملها ديل حصان كدا فراحت واحدة شداها وانا ماشية ( كانت جارتنا فى الشقة القديمة ) واتخنقت معاها وروحنا كدا لكام ست اعدين كانهم بيحكمو بنا واحدة كانت بتكلمنى عادى والتانية كانت مش طاااايقنى وكانت بتكدبنى وبتبصلى وحش اوى تقربيا اتصالحت انا والبنت ومشيت بس مش متاكدا
لما مشيت لقيت ممثل كان واقف روحت اسلم علية سلم عليا كدا من غير اهتمام وبعدين لاقيت كامرتين اخدتهم ولقيت نفسى فى بيت ممثل تانى
اعدت اصورة وبعدين لاقيتة مدخلنى محل فخم عشان يشتريلى حاجات كتير ولبست فستان حلو كنت فرحانة بية ودخلت واحدة المفروض انها هتهتم بلبسى وحاجاتى اعددت تزعق انى لبست الفستان بطريقة غلطت واعدت تقولى انتى محدش علمك اللبس قبل كدا قولتلها معلش واحدة واحدة هبقا احسن وكان معاة بنتين بيسعدوها
ومضايقين منها روحت قولتلهم لو عايزين تمشوها امشهالكم قالولى لا خلاص سبيها
ولبست الفستان وخرجت على الاتنين ممثلين دول وكان شكلى عاجبهم اووووووووووى وكنت ماشية وانا واثقة فى نفسى اوى
ولقيت واحدة ممثلة بردة بتبصلى ومستغربة اوى لانى شكلى اتغير بصتلها وقولتلها اة دى انا
بس ياماما انا مش مهتمة بالممثلين على فكرة بس حاسة ان الحلم لة معنى
