هوة الحلم طويل شوية بس اعذرينى
الحالة الاجتماعية : انسة مرتبطة بشخص اسمة احمد اللى عملت علية الاستخارة
الحالة الدينية : متدينة الحمد لله
الحالة النفسية : كويسة الحمد لله
الحلم دة اديلة فترة ياماما نجية بس شاغلنى جدااااااااااااااااااااااا وخايفة اوى منة
انا عملت استخارة3 ايام متواصلين وفى اليوم ال3 حلمت بكدة
حلمت انى واحد زميلى فى الكلية اسمة مصطفى بس مليش علاقة بية خالص بيكلمنى على اميل الكلية عطيهولنا
وكان قريب من بيتى على الرغم من انة فى الحقيقة ميعرفش بيتى اصلا والا مكانى فين
وقالى ازيك عاملة اية وبعدين قالى انتى تعرفى احمد ( اللى هوة انا عاملة علية استخارة وقالى اسمة كامل بس انا مش عاوزة اقول اسمة )
قلتلة لاء
قالى انا سألت عليكى ناس كتير محدش عرف وبعدين سألت جسيس وواحد مترهبن قالولى ميعرفوش
وبعدين عطيتهم 5 كيلو دهب و5كيلو الماظ و5الاف جنية
وبعدين قالولى ان انا واحمد بنعشق بعض وبنحب بعض اووووى وضحينا كتير عشان بعض ووقفنا كتير جمب بعض
وبعدين مصطفى دة سابنى ومشى بعد ماقلى كدة
وانا فى الحلم كان صابح عندى امتحان ولما صحيت فى الحلم حلمت حلم حلو بس معرفش اية هوة وفى الحلم برضة اتفسرلى حلو
وانا بمتحن اتصلوا بيا قالولى انتى اتخطبنى لواحد اسمة احمد
فضلت اسال الناس اسمة احمد اية محدش عرف وفضلت اسالهم على مكانة فين طيب برضة محدش عرف مكانة فين
ورجعت باتوبيس البيت بس قراية الفاتحة بتاعتى كانت عند بيت واحد جيرانى اسمة المرحوم ياسين مكنتش فى البيت عندى
فانا رحت عند اختى فى البيت وانا ماشية كنت برضة بسأل الناس بقلهم انا اتخطبت لاحمد مين برضة محدش عرف
طلعت عند اختى لقيت ابن خالتى اسمة احمد بيحل لاختى امتحان 4 اسالة بس شكلة مكنش عارف يحل وكان عاطى لنفسة درجات قليلة
فأنا طلبت منة احل انا الامتحان وقلتلة انا لسة طالعة من امتحان وحالة كويس هات احل انا عشان انت مش عارف تحل رفض واختى رفضت
رحت طلعت 4 اقلام واحد لونة اسود واحمر واخضر وارزق وعطتهملة وقلتلة خدهم حل بيهم انا مش عوزاهم رفض
فاختى قلتلة خدهم فأخدهم
نزلت من عند اختى انا وابن خالتى( اسمة مصطفى) فقالى انتى عاوزة تتخطبى طبعا للحب الاولانى( اللى هوة احمد اللى عملت الاستخارة علية) قلتلة اة
قالى بتحبى فية اية قلتلة عشان طيب وحنين وكويس
قالى مش يمكن يكون غير كدة قلتلة حتى ولو كان غير كدة بس معايا انا كويس
روحت البيت عندنا لقيت اخويا وامى قاعدين مع بعض
سألتهم انا اتخطبت لمين اخويا قالى اتخطبتى لاحمد(وذكر اسم ولدة اللى انا عملت الاستخارة عشانة )
استعبطت وعملت نفسى معرفوش
قلتلة بيشتغل اية قالى طالب ( مع انة اتخرج ) قلتلة طيب انت وافقت على
اساس اية قالى انا عطيتة فرصة15 يوم لو اثبت فيها نفسة هوافق ولو ماثبتش
مش هوافق
فماما قالتلة ان انا حلمت حلو كويس واتفسر
وبعديها اخويا قام يلبس عشان يروح يقرأ الفاتحة بتاعتى
وانا دخلت الاوضة غشلت وشى من المكياج وكنت هلبس عشان اروح احضر خطوبتى
بس انا صحيت من النوم فرحانة جداااااااااااااااااااااااااا
وحسيت انة حقيقى
انا اسفة طولت كتير بس الحلم كبير بقى اعمل اية
وبعدين قلولى انهم يعرفوا انى بحب وبعشق احمد
