حبيبتى انا دخلت انام شوية اخر النهار وشوفت خير ومش عارفة اذا كان الحلم ده له معنى ولا اضغاث !!!! شفت خير انى رايحة باسدال الصلاة بتاعى النادى الاجتماعى بتاع الشركة اللى بابا واخويا شغالين فيها واللى شغال فيها بسيونى برده المهم اللى كان واضح اوى فى المنام انه كان يوم خميس وكنا باليل وانا كنت زى ما يكون رايحة ادور على ايهاب اخويا هناك فدخلت وقعدت فلقيت واحد معرفة هوه كان هيخطب اختى (هى متزوجة دلوقتى)فى يوم من الايام بس مش حصل نصيب وبرده بيشتغل هناك فلقيت واحد اسمه هيثم بيقولى على الشخص المعرفة ده شفتى الجزمة الجديدة اللى فى رجل خالد سامح (ده اسم الشخص المعرفة ده ) وكان الكلام قدام خالد فقولته اه مخدتش بالى بس والله الجزمة حلوة اوى الف مبروك جزمة حلوة فراح خالد ده قايلى الله يبارك فيكى بس انا عايز اتخن شوية قلتله ومين سمعك انا كمان نفسى اتخن برده ومش عارفه فابتسم كده وقالى ان شاء الله تتخنى وبعدين قلت اقوم اشوف اخويا وانده عليه فمشيت كده فى النادى فاتفاجئت بايهاب اخويا واقف مع بسيونى (مع العلم انى ممكن بسيونى يعرفنى عن طريق اخويا من قبيل انه بظهر مع اخويا فى اماكن كتير )فقولت انا مش هروح انده لايهاب وهوه واقف مع بسيونى واتكسفت كده لانى كمان كنت لابسة اسدال الصلاة ومكانش شكلى مستعد اوى عشان سيونى يشوفنى وانا لابسة كده يعنى مكنتش متشيكة اوى بس كنت فرحانة بينى وبين نفسى ان الاتنين واقفين مع بعض ورجعت البيت وانا سايباهم مع بعض وكنت فرحانة بس بسيونى فى الحلم كان لابس لبسه العادى واللى كان واضحلى اوى فى المنام انه لابس لبس عااااااااااااادى مفيهوش اى حاجة جديدة وواقف مع اخويا وكانوا هما الاتنين بس محدش واقف معاهم (يعنى اقصد مثلا انى مرة شوفت احمد لابس شبشب جديد فقولت ممكن النصيب يبقى مش معاياومع حد تانى وقد كان انما هنا بسيونى كان لابس اللبس العااااااااادى بتاعه )
معلومات تهمك فى التفسير
خالد سامح اللى شفته ده كان اتقدم لاختى زمان ومش حصل نصيب وبيعاملنى زى اخته الصغيرة وهوه زى اخويا تمام وهوه مش خاطب ولا مرتبط وكلنا نفسنا يخطب لانه ابن حلال لكن مفيييييييييش اى حاجة بينى وبينه اطلاقا
بس معناه ايه يا امى وقفة بسيونى مع اخويا مع العلم انه يعرف اخويا كويس جدا بس علاقتهم زمايل فى الشغل وخلاص لكن مش اصحاب قوى يعنى .........اااخر حاجة انا كنت رايحة يوم خميس باليل ومكنتش متوقعة انى الاقى حد فى النادى لان معظم اللى هناك مغتربين وبيروحوا بلدهم فى نهاية الاسبوع ومع ذلك لقيت كل الناس دى هناك...خير يارب
