ازاى حضرتك يا ماما ربنا يديك الصحة ويفرح قلبك ويبعد عنك كل شر ويصلح حال اولادك ويوسع رزقهم ويريح بالهم وبالك ياحبيبتى يا غالية - انا حلمت انى فى بيت ماما وكان فى الصالة دش وانا واقفة تحت الدش بستحم واختى كمان كانت واقفة معى بتستحم وانا بقولها استنى لما اقفل باب الشقة بالترباس لاحسن بابا يجى على غفلة كدة وبعدين استحمين وكنا بنغسل شعرنا كويس اوى وبعدين روحنا فى مكان زى الفندق كدا وانا كنت بسرح شعرى وشعرى كان لونه اسود وناعم وطويل وبقول لاختى مين كان يتخيل ان شعرى يطول كل دا فى المدة القليلة دى فاكرة لما كنت قرعة ياترى كان شكلى ايه راحت اختى قالتلى انسى بقا الحمدلله ان شعرك طلع تانى وكمان جميل قلتلها اه بس بيقع منه كتير اوى حتى شوفى روحت مسكت خصلة شعر كبيرة اوى كانها ديل حصان واتفصلت عن شعرى وقلتلها بصى كل ده بينزل راحت قالتلى معلشى ماهو بيقع وبيطلع تانى قلتلها اه الحمدلله انا اخدت كيماوى ورجعت اخدت تانى وبردوه شعرى طلع وبيقع وبيطلع وبعدين دخلت الحمام رميت خصلة الشعر اللى وقعت وبعدين اختى قالتلى تعالى اسرحلك شعرك عشان المه لفوق كدة بتوكة حلوة وفضلت تسرح شعرى ورفعت شعرى لفوق ومسكته بتوكة وبعدين روحنا سئلنا على واحد اسمه نور كنا عايزين نقابله وواحدة قالت لنا استنوه واستنين شوية وبعدين مشينا انا خرجت الاول من الفندق ده واستنيت اختى لحد ما تحاسب وبعدين قلتلها انتى عارفة البنت اللى كنا بنسئلها على نور كانت بتضحك علينا وكانت هتخلينا نقابل حد تانى كويس اننا قومنا دلوقتى وبعدين انا كنت طالعة على سلم فى مكان فاضي كدة وشايفة النهار وشفت واحدة ست نازلة وماسكة معزة من رجلها وانا كنت بوسعلها عشان تعدى - وخلص الحلم - معلشى يا ماما انا طولت عليكى - اختى اللى فى الحلم متجوزة - وبابا متوفى - واسم نور انا مش اعرف حد بالاسم ده -
